گرین پاکستان انیشی ایٹو اورلینڈ انفارمیشن اینڈمنیجمنٹ سسٹم کی خدمات قابل تحسین ہیں،صدرمملکت

صدر آصف علی زرداری نے کہاہےکہ خصوصی سرمایہ کاری سہولت کونسل کے تحت گرین پاکستان انیشی ایٹو اورلینڈ انفارمیشن اینڈمنیجمنٹ سسٹم کی خدمات قابل تحسین ہیں۔ صدرمملکت کو راولپنڈی میں گرین پاکستان انیشی ایٹو کے ہیڈ کوارٹرز کے دورہ کے موقع پر بریفنگ دی گئی اورانہیں جدید خطوط پر پانی کے بہتر انتظام کے حوالے سے آگاہ کیا گیا ۔گرین پاکستان انیشی ایٹو کے تحت آب پاشی، آئی ٹی پرمبنی آپریشنزاور ٹیکنالوجی کے مؤثر انتظام کے بارے میں بتایا گیا ۔ صدر آصف علی زرداری کو زرعی شعبے کی ترقی کیلئے ایگریکلچر اسمارٹ فارمز کے آپریشنز سے متعلق بھی بریفنگ دی گئی ۔انہوں نے گرین پاکستان انیشی ایٹوٹیم کی حوصلہ افزائی اور قومی و اقتصادی ترقی کیلئے یکساں جذبے کے ساتھ کام کرنے پر زور دیا۔صدر مملکت نےمقاصد کے حصول کیلئے تمام صوبوں کیساتھ مکمل تعاون کی یقین دہانی کرائی ۔