کورکمانڈر پشاور کا ایڈورڈز کالج کا دورہ،طلبا ، اساتذہ سے خصوصی ملاقات

کورکمانڈر پشاور لیفٹیننٹ جنرل عمر احمد بخاری نے ایڈورڈز کالج پشاور کا دورہ کیا اور طلباء و اساتذہ سے خصوصی ملاقات کی۔کور کمانڈر پشاور نے طلباء سے خطاب کرتے ہوئے تکنیکی تعلیم کے ساتھ ساتھ دور جدید کے تعلیمی تقاضوں کی اہمیت پر زور دیا اور سوشل میڈیا کے درست استعمال کی اہمیت کو اجاگر کرتے ہوئے فیک نیوز اور پروپیگنڈا کے نقصانات سے طلباء کو آگاہ کیا ۔طلباء نے کور کمانڈر پشاور سے موجودہ حالات میں سکیورٹی اور امن و امان کے قیام کے حوالے سے مختلف سوالات کئے ۔ طلباء اور فیکلٹی ممبرز نے کور کمانڈر پشاور کا ایڈورڈ کالج آنے پر شکریہ ادا کیا اور پاک فوج کی ملک کے لئے قربانیوں کو سراہا