پاکستان نجی شعبے کے تعاون سے عالمی معیار کا نیا سبز ٹیکنالوجی مرکز قائم کرے گا،رومینہ خورشیدعالم

موسمیاتی تبدیلی کے لئے معاون وزیراعظم رومینہ خورشید عالم نے کہا ہے کہ پاکستان نجی شعبے کے تعاون سے عالمی معیار کا نیا سبز ٹیکنالوجی مرکز قائم کرے گا۔گرین ٹیک ہب بننے سے پاکستان علاقائی رہنما کے طور پر سامنے آئے گا۔ ویبنار سے خطاب کرتے ہوئے رومینہ خورشید عالم نے کہا کہ منصوبہ پاکستان میں ماحول دوست تبدیلیوں کے لیے ایک مثبت قدم ثابت ہوگا۔ انہوں نے کہاکہ سبز ٹیکنالوجی مرکز قرار دیئے جانے سے پاکستان میں انوویٹرز اور سرمایہ کاروں کے درمیان تعاون فروغ پائے گا اور مستقبل میں پاکستان کیلئے کم کاربن والا ملک بننے کا وژن ممکن ہوسکے گا۔پاکستان کوپ 29 عالمی سربراہی اجلاس میں موسمیاتی تبدیلی سے نمٹنے کے لئے قابل عمل جدید حل بھی پیش کرے گا۔